Kim kemân-ebrûlaruñ beñzetdi kurbân ayına
Âferîn olsun anuñ kurbân olayın râyına
Cânumı kurbân édüp pay étdiler meh-pâreler
Ol ala gözlüm benüm gelmez mi kurbân payına
Cân kuzusını benüm boynuma kurbân eylemeñ
Sen hemân bir kerre kurbân iste kaşuñ yayına
Ya çeker ebrûlaruñ kaşı kemânlar kılana
Tîr atar ğamzeñ gözi âhûlaruñ alayına
Hûblar bayramlık in‘âm édüp ‘âşıklara
Her güzelden ÂHÎ’nüñ bir bûse düşdi payına
Kayıt Tarihi : 11.5.2016 15:47:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!