Ah çekir Şiiri - Sevinc Arzulu

Taxtu-tac qurmayaq qüdrət önündə,
Biz boyun burmayaq möhnət önündə.
Lal-dinməz durmayaq həsrət önündə,
Zaman amansızdır, qəmdən meh çəkir.

Təbiət əzəldən gözəl bir rəssam,
Dəyişir tablonu hər səhər, axşam.
Gül üstdə, ay gülüm, lap mat qalmışam,
Göz yaşı əvəzi parlaq şeh çəkir.

Sevgidən dəniz tək çağlayan insan,
Həsrətin yolunu bağlayan insan,
Dünyaya gələndə ağlayan insan,
Dünyadan gedəndə niyə ah çəkir.