Ağlatma Şiiri - Sevinc Arzulu

Saldığın cığır da kiçilib artıq,
Aldığın şərbət də içilib artıq.
Ömrümün taxılı biçilib artıq,
Qalıbdır təkcənə başağı, qayıt.

Yanında olmuşam çətin anında,
Sevgiyə sədaqət axar qanında.
Nə düşmən yanında, nə dost yanında,
Olmasın heç başım aşağı, qayıt.

Bir dəfə ağ libas geyinməyib ki,
Yaraşır, yaraşmır.Deyinməyib ki.
Sənə məhəbbətim böyüməyib ki,
Ağlatma bu körpə uşağı, qayıt.