Ağlatdı Şiiri - Sevinc Arzulu

Vüsal gülü solmazdı,
Kaş ki səhər doğmazdı.
Səni qəhər boğmazdı,
Acı həsrət ağlatdı.

Ala gözlər nəmliydi,
Səsin tonu bəmliydi.
Hekayət çox qəmliydi,
Lal şeriyyət ağlatdı.

Sis qarışıb dumanə,
Ox qoyulub kəmanə.
Səni zalım zəmanə,
Məni qürbət ağlatdı.

Danışıb gülmədiyin,
Izini silmədiyin.
Əzrail bilmədiyi,
Insaf, mürvət ağlatdı.

Ürəyimiz qan oldu,
Qovuşmayan can oldu.
Sonunda nakam oldu,
Saf məhəbbət ağlatdı.