Ağlatdı hayat beni

Həyat…

Nə çaldı, oynadım ona,
Hey ağlatdı həyat məni…
Girdi gündə milyon dona,
Hey ağlatdı həyat məni….

Dost dedim, ola bilmədi…
Dərdimə qala bilmədi…
Nə verdi, ala bilmədi ?!
Hey ağlatdı həyat məni …

Çək-çevirə düşdü sözüm,
Gülməz oldu, soldu üzüm,
Bulağa çevrildi gözüm,
Heyy ağlatdı həyat məni…

Elə bil qəsdimə durdu,
Hər gün yeni oyun qurdu,
Ən zəif yerimdən vurdu,
Hey ağlatdı həyat məni…

Bəxtimi şeytan daşladı,
Ruhum yayda da qışladı,
Doğulan gündən başladı,
Hey ağlatdı həyat məni…