Ağlama, besdi Şiiri - Sevinc Arzulu

Fərhad olub dərd dağının qayasını dəl,
Fələk daha vurammasın sevdamıza pəl.
Nolar,gülüm, bircə dəfə görüşümə gəl,
Öz əlinlə vüsal yolun bağlama,bəsdi
Sil gözün yaşın Qaragilə,ağlama,bəsdi.

Edər daim sevənlərə zülüm,ayrılıq.
Yannam.qalar sənə təkcə külüm,ayrılıq.
Ürəyimi üzür yaman ,gülüm,ayrılıq.
Dəniz kimi kükrəyibən çağlama,bəsdi.
Sil gözün yaşın Qaragilə,ağlama.bəsdi.

Nə çəkdiyim iztiraba dodağın büzmə,
Nə üzümə göz yaşların muncuq tək düzmə.
Nə də xəstə ürəyimi dərdinlə üzmə,
Həsrətinlə sevən qəlbi dağlama,bəsdi.
Sil gözün yaşın Qaragilə,ağlama,bəsdi.