Nigâha çeşm-i siyâhından oldı ruhsatlar
Barışdı ülfet ile âhuvâne vahşetler
Girişme ‘arbede-cû nâz u şîve hışm-âlûd
Figân ki bir yere cem‘ oldı bî-mürüvvetler
Eger ben anladugumdur o pür-firîb ey dil
İnanma va‘de-i vaslına virse hüccetler
Meger sadâkata yer var mıdur temâşâya
O denlü gadr ü nifâkıyla toldı sohbetler
Olursa gûş-zed ahbâba bu gazel Âgâh
Zuhûra gelse gerek nükteler zarâfetler
Kayıt Tarihi : 4.5.2016 14:31:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!