Bana bîgâneligi gâyet-i ‘ismetdendür
Böyle inkâr-ı mahabbet de mahabbetdendür
Gül-i hurşîd de yokdur bu letâfet bilsem
‘Acabâ verd-i ruhun gülşen-i cennetdendür
Gâh mahbûb-perest olmada gâh bâde-perest
Dil-i dîvâneyi bilmem ki ne milletdendür
Ruh-ı pür-câzibe ki pertev-i meyden kalmış
Yoksa efrûhte germiyyet-i ülfetdendür
Sûznâk oldugı Âgâh ser-â-pâ suhanum
Yârdan dilde olan âteş-i hasretdendür
Kayıt Tarihi : 4.5.2016 14:22:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!