Cân atma o ıklîme ki cânânesi çokdur
Pür-fitnedür ol şehr ki meyhânesi çokdur
‘Aklını begenmişleredür cezbesi yoksa
Kûyında belâhet-zede dîvânesi çokdur
Tâbende ruhın sille-hor-ı bâl u per eyler
Haclet çeker ol şem‘ ki pervânesi çokdur
Muhtâclarun birine ihsânı mı vardur
Bahrun tutalum gevher-i yekdânesi çokdur
Yetmez mi gıdâ noktası eş‘arımun Âgâh
Gamgîn degülem murg-ı dilün dânesi çokdur
Kayıt Tarihi : 4.5.2016 14:05:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!