Bend oldı gönül turre-i cânânede kaldı
Zencir-i cünûn gerden-i dîvânede kaldı
‘Aşk eyledi gül gibi ser-i şem‘de zâhir
Her dâg ki pinhân dil-i vîrânede kaldı
Feryâd iderek kaldı gönül sînede sensüz
Mânende-i nâkûs ki büthânede kaldı
Dünyâyı gözüm görmese ‘ayb itme ki zâhid
Meyhânede çeşmüm leb-i peymânede kaldı
Hep oldular ârâste zühd ile ehibbâ
Mihnetzede Âgâh ki meyhânede kaldı
Kayıt Tarihi : 7.5.2016 14:08:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!