Âgâz-ı Gazeliyyât 343 Şiiri - Agah

Yine mest-i şarâb-ı bed-gümânîsin nedür aslı
Girîbân-çâk sâz-ı mihrbânîsin nedür aslı
Leb-i meygûnun itmiş şevke-i bî-hûde şûr-engîz
Nemek-âmiz-i âb-ı zindegânîsin nedür aslı
Gazâb ebrûlarun şemşîrine virmiş ‘arakdan âb
Kimünle müsta‘idd-i hûn-feşânîsin nedür aslı
‘Ayândur hâtem-i la‘lünde nakş-ı mihr-i hâmûşî
Emânetdâr-ı esrâr-ı nihânîsin nedür aslı
Olursın hem-dem-i her bü’l-heves ragmına Âgâhun
Meger hˇ âhende-i âh u figânîsin nedür aslı