Âgâz-ı Gazeliyyât 337 Şiiri - Agah

Ey secdegâh-ı ins ü melek hâk-i merkadi
Vey lutfı perde pûşî-i ruhsâr her yedi
Râh-ı Hudâ da Hızr olamaz hem-‘inân ana
Her kim ki oldı pey-rev-i şer‘-i Muhammedî
Ey ser-firâz-ı tâc-ı “Le amruke”habîb-i Hakk
Sen muktedâ vü hayl-i resül sana muktedî
Kalsa ne denlü zulmet-i ‘isyânda ümmeti
Mahv eyler ânı pertev-i envâr-ı Ahmedî
Hubb-ı çihâr-ı yâr ü Resûl ile şükr kim
Âgâh buldı devlet ü ikbâl-i sermedî