Âgâz-ı Gazeliyyât 335 Şiiri - Agah

Ey gönül vasl ile şâdân olamazsın çok da
Hicr ile dest ü girîbân olamazsın çok da
Âdemin ‘aklın alur çeşm-i siyeh-mesti gibi
Mey-perest-i leb-i cânân olamazsın çok da
Merhemâsâ ne kadar yâra ezilsen de gönül
Sen senün derdine dermân olamazsın çok da
Olmayınca dil-i sad-çâk ile engüşt-nümâ
Gonçeveş bâgda handân olamazsın çok da
İtme ‘uşşâkı sezâvâr-ı nigâhun cânâ
Merci‘-i gürsine çeşmân olamazsın çok da
Olma matla‘ gibi Âgâh sakın sadr-ı güzîn
İki mısra‘la suhandân olamazsın çok da