Cânâ yeter agyâr ile hemhânelük itme
Güldürme sana ‘âlemi dîvânelük itme
Ey mâhlikâ gün gibi her hâneye girme
Her bezmde çeşmün gibi mestânelük itme
Her bir saneme itme gönül meyl-i perestiş
Büthânelerün şem‘ine pervânelük itme
Ey eşk dökül pâyına ol gonçe açılsun
Bârân olacak vaktde dürdânelük itme
Mecmû‘ iken âşüfteligin ‘âlemi yokdur
Zülf-i emele ‘ukdelik it şânelük itme
Döndürme yüzün cevr ile dildârdan Âgâh
Kıl yâra fedâ cânını cânânelük itme
Kayıt Tarihi : 6.5.2016 15:17:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!