Âgâz-ı Gazeliyyât 325 Şiiri - Agah

Kemâlimüz de mi yok lutf-ı rûzgâra göre
Yeter bu neşv ü nemâda bu i‘tibâra göre
Eser-nümâ dil-i sad-pârenün figânı da yok
Sadâsı çıkmadı bu câmun inkisâra göre
Zamâne gülşen-i îcâda bâgbân olalı
Zuhûra gelmedi bir serv-i kadd-ı yâra göre
Hacâletin çekerüz gibi kıllet-i cürmin
Günâhımuzda ne var lutf-ı Kird-gâra göre
Şikâyet itmez idüm hicr-i yârdan Âgâh
Devâm-ı vaslı da olsaydı intizâra göre