Dilden ey şûh cefâ resmini bîrûn eyle
Tîg-ı cevr ile ya öldür beni memnûn eyle
Bâde-i la‘lüni agyâra virürsin bâri
Turma bezmünde benüm câmumı pür-hûn eyle
Gösterüp sîneni âgûş-ı girîbânundan
Beni mustagnî-i gencîne-i Kârûn eyle
Ejder-i zülfi nihân eyledi genc-i hüsnin
Fethine sende gönül âh ile efsûn eyle
Ben u sevdâ-yı gam-ı ‘aşk u beyâbân-ı cünûn
Sen hemân kendüni Âgâh Felâtûn eyle
Kayıt Tarihi : 6.5.2016 15:08:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!