Âgâz-ı Gazeliyyât 315 Şiiri - Agah

Her sîne ki sevdâ-yı mahabbet var içinde
Tâ haşr kıyâs itme ki râhat var içinde
Encâmı olur vâsıta-i renciş-i hâtır
Her güft ü şünûdun ki zerâfet var içinde
Çâh-ı zekan-ı yâr ki zâhirde tehîdür
Bir kân-ı nemek denlü melâhat var içinde
Âhır dil-i mecrûhı harâb itdi gam-ı ‘aşk
Vîrân olur ol hâne ki âfet var içinde
Âgâh nice fahr-ı bilâd olmaya Şehbâ
Nâbî gibi bir ehl-i kerâmet var içinde