Dime halâl ü harâm iç şarâb her ne ise
Derûnı rûşen ider âftâb her ne ise
Yâ ser-bülend yâ pâ-mâl-i nâz ider bir gün
O âfete iderüz intisâb her ne ise
Olur ya gevher-i galtân ya katre-i sîm-âb
Bir âd ider dil-i pür-ıztırâb her ne ise
Şebâb u şîb-i bed ü nîk ‘âlemi gördük
Zamâne itdi biraz kâm-yâb her ne ise
Olursa her ne kadar sâde şi‘ri Âgâhun
Bir iki beyt iderüz intihâb her ne ise
Kayıt Tarihi : 6.5.2016 14:56:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!