Tıfldur bilmem bana cânân ola yâ olmaya
Terbiyetle ol perî insân ola yâ olmaya
Minnet-i huşk ey tabîb-i bî-mürüvvet tâ-be-key
Merhemün yâ derdüme dermân ola yâ olmaya
Girye-i pîrânemüz yâ nef‘ ide yâ itmeye
Gevher-i eşküm dür-i dendân ola yâ olmaya
Her çeh-i târîke düşme bî-basîretler gibi
Yâ derûnında meh-i Ken‘ân ola yâ olmaya
Hâtır-ı sâkînün Âgâh inkisârından sakın
Tevbe yoksa mûcib-i gufrân ola yâ olmaya
Kayıt Tarihi : 6.5.2016 14:52:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!