Âgâz-ı Gazeliyyât 297 Şiiri - Agah

Teşneyem la‘l-i leb-i cânâna itmem ser-fürû
Hızram ammâ çeşme-i hayvâna itmem ser-fürû
Sâgar-ı zerrîn-i mihr ü mâhı alsa destine
Çün sürâhi sâkî-i devrâna itmem ser-fürû
Katre-i nâçîzem ammâ evc-i rif‘atdür yerüm
Dürr-i yektâ itse de ‘ummâna itmem ser-fürû
Pâk dâmân olmayınca eşk-i şebnemden bile
Bülbülâsâ her gül-i handâna itmem ser-fürû
Olmayınca sâde çîn-i cebheden Âgâhveş
Sanma mihrâb ebrû-yı hûbâna itmem ser-fürû