Yâr yâr olsun da a‘dâ bildüginden kalmasun
İtmezüz terk-i temâşâ bildüginden kalmasun
Kayd-ı zülfünden dil-i şeydâ asılsa geçmezüz
Biz de yokdur gayr-ı sevdâ bildüginden kalmasun
Sûz ile sîb-i zenahdânında hâmın almışuz
Gamze-i nâ-puhte cânâ bildüginden kalmasun
Efser-i hurşîdi virse ser-fürû eyler miyüz
Şimdi çarh-ı sifle aslâ bildüginden kalmasun
Didi bilmezlikle sordum hâlin Âgâhun o mâh
Bu gün oldı lutfı ferdâ bildüginden kalmasun
Kayıt Tarihi : 5.5.2016 15:32:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!