Ne mümkün eylemek ey mâh-rû kat‘-ı nazar senden
K’olur girdâb ayırılsa bir dem çeşm-i ter senden
Şu denlü olmışam âyîneveş leb-rîz-i hayret kim
Sen âgûşumda mest-i cilve vü ben bî-haber senden
Nice ‘âşık hirâsân olmasun ey gamze-i hûn-rîz
Ki bu hışm ile görse fitne eyler el-hazer senden
Ketân-ı subhdan pîrâhen itse dâye-i gerdûn
Yine şermende-i âzâr olur ey sîmber senden
‘Aceb meşşâtadur Âgâh kilk-i ren-âmîzün
Ki gül gibi dimâg âşüftedür ehl-i hüner senden
Kayıt Tarihi : 5.5.2016 15:08:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!