Dâg-ı dilümi mihr-i dırahşâna degişmem
Çeşm-i terümi çeşme-i hayvâna degişmem
Ya‘kûb-ı hazîn Yûsufı da üste virürse
Gamhânemi ben külbe-i ahzâna degişmem
Rindân ile hem-bezm olalı meykedelerde
Hum gûşesini taht-ı Süleymâna degişmem
Bin kere bahâr ile hazân gelse çemende
Zevk-ı leb-i hâmûşumı efgâna degişmem
Âyîne-sıfat sâde-nümâ nazmumı Âgâh
Rengînî-i mecmû‘a-i yârâna degişmem
Kayıt Tarihi : 5.5.2016 13:49:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!