Âgâz-ı Gazeliyyât 245 Şiiri - Agah

Usânma derdden ey dil devâda böyle degül
Çeken cefâyı ben isem vefâda böyle degül
Figân ki câm-ı tarab tolmadı murâd üzre
Egerçi gerdiş ile âsyâda böyle degül
Eger ben anladugumdur o la‘l-i bûse riyâ
Kemend-i câzibe-i kehrübâda böyle degül
Delîl-i râh olamaz rastluk kadar hergiz
Ki dest-i kûrda çûp-ı ‘asâda böyle degül
Gider gelür gönül Âgâh kûy-ı dildâra
Nihân o denlü ki bâd-ı sabâda böyle degül