Âgâz-ı Gazeliyyât 234 Şiiri - Agah

Gülzâr-ı dehrden gül ü reyhâna kâni‘ ol
Ya‘nî ki zülf ü ‘ârız-ı cânâna kâni‘ ol
Yüz sürme pây-ı nâzına her ser ü ser-keşün
Ey tıfl-ı eşk gûşe-i dâmâna kâni‘ ol
Hûbân-ı dehri sorma çekilmez cefâları
Ey çarh-ı pîrî mihr-i dırahşâna kâni‘ ol
Dâ’im kebâb-ı bî-nemek ister şarâb-ı dil
Ey ‘âşık-ı gedâ dil-i büryâna kâni‘ ol
İhsân-ı dest-i merhamet-i rûzgârdan
Âgâh tab‘-ı şûh-ı suhandâna kâni‘ ol