Visâl-i yâr ile dil şâd u hurrem olsa gerek
Budur ümîdimüz Allâhua‘lem olsa gerek
Yanımda olmadı bir dem karâr-dâde gönül
Felâh bulmayacak bana hem-dem olsa gerek
Tılısm-ı cebhe-i pür-çîn yâr-ı feth oldı
Henûz vefk-i murâd üzre ‘âlem olsa gerek
Hevâ-yı gamkedemüz öyle hüzn-perver kim
İnince sâgara mey şîşeden gam olsa gerek
Gelürse zevk u gam Âgâh böyle pey-der-pey
Sürûr-ı meclisimüz hayr-ı makdem olsa gerek
Kayıt Tarihi : 5.5.2016 12:18:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!