Gülşende hamûş ey gül-i handân kimi gördün
Bu bâgda bî-nâle vü efgân kimi gördün
Gam-hˇ ârî-i ahbâb hele mey kadar olsa
Def‘-i gam ider sohbeti yârân kimi gördün
Ma‘cûn-ı müferrihde bile şimdi ferah yok
Mihnetkede-i dehrde şâdân kimi gördün
Girmem dahı meyhâneye destârum atılsa
İtdüklerine böyle peşîmân kimi gördün
Uydurmışuz âşüfteligi zülfüne cânâ
Ben gibi murâd üzre perîşân kimi gördün
Hayret-zede-i mihr-i ruhun gerçi ki çokdur
Âgâh gibi vâle vü hayrân kimi gördün
Kayıt Tarihi : 5.5.2016 12:15:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!