Kanda itse o mâh-sîmâ raks
Dîdeler de ider temâşâ raks
Gark-ı girdâb-ı hayret oldı gönül
Devr usûliyle eyledi tâ raks
Dil-i ‘uşşâkı çâr-pâre ider
Gâh idince o serv-i bâlâ raks
Devr-i dil-hˇ âhı senden ögrensün
İdicek çarh-ı bî-ser ü pâ raks
Cilve itdükçe itmesün n’etsün
Dil-i ‘âşıkda sad-temennâ raks
Görse raksını o meh rakkâsun
Âsmânda ider ser-ta-pâ raks
İder Âgâhveş hacâletle
Ceyb-i müflisde dest-i i‘tâ raks
Kayıt Tarihi : 5.5.2016 12:05:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!