La‘lünde ‘ayân neşve-i keyfiyyet-i âteş
Hûyunda nihân sûziş-i germiyyet-i âteş
Tâ rûz-ı eser âh-ı ciger-sûz ile cânâ
İtdük gam-ı hicrünle bu şeb ‘işret-i âteş
Dâg-ı elemün sînede pür-sûz o kadar kim
Yok şimdi kitâb-ı dile hiç minnet-i âteş
Her murg-ı teng-zarf olamaz şu‘le-hor-ı ‘aşk
Pervânededür çâşnî-i lezzet-i âteş
Ger yârdan âzürde degül hâtırun Âgâh
Nazmunda nedür yâ bu kadar kesret-i âteş
Kayıt Tarihi : 5.5.2016 12:03:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!