Bir cefâ-cûya o meh ‘âşık-ı nâ-şâd olmuş
Reşk-i sad-Hüsrev ü Şîrîn idi Ferhâd olmuş
Ol yüzi reşk-i gülistân-ı İrem vasfında
Hâme âgûş-ı benânumda perîzâd olmuş
Pul pul oldı bedenümde o mehün dâgları
Safha-i sîne hemân tahta-i nerrâd olmuş
‘İşve meşk eyler iken gayrı perî-rûlardan
Şimdi üstâdsuz üstâddan üstâd olmuş
Ne çeker beste-i gîsû-yı bütân ben bilürem
Hased Âgâha ki ol kayddan âzâd olmuş
Kayıt Tarihi : 5.5.2016 12:03:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!