‘Ârız-ı yârun degüldür hâli tenhâ dil-firîb
Şûhlukda birbirinden cümle a‘zâ dil-firîb
Sâdedür bâg-ı mahabbet sebze-i bîgâneden
Gülbün ü hâr u has u pinhân u peydâ dil-firîb
Birbirine kec-nigâh eyler hasedden çeşm ü dil
Olalı ol nergis-i câdû-yı şehlâ dil-firîb
Yârdan agyâr ayırmak yâ ne mümkündür bizi
Olmuş iken renciş u sulh u müdârâ dil-firîb
Gûyiyâ bir deste-i güldür zemîn u âsmân
Ol kadar oldı tecellâsıyla dünyâ dil-firîb
Bir karîbi çok perî Âgâh oldı rû-nümâ
Ol sebebden bu gazel oldı ser-â-pâ dil-firîb
Kayıt Tarihi : 4.5.2016 13:34:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!