Âgâz-ı Gazeliyyât 171 Şiiri - Agah

Çok oldı nâziş-i agyâr-ı yârı öksemişüz
Uzandı fasl-ı zemistân bahârı öksemişüz
Misâl-i şebnem-i nergis-nişîn gözümde uçar
O denlü câm-ı mey-i hoş-güvârı öksemişüz
Şikâyet itmedeyüz şûh-ı nev-güzeşte gibi
Ki hattı yok bu belün ‘ayş-ı yârı öksemişüz
Çü katre gevher-i yekdâne olmadan geçdük
Yeter keş-â-keş-i deryâ kenârı öksemişüz
Visâle itmez iken şimdi ser-fürû Âgâh
Zamân ola diyelüm cevr-i yârı öksemişüz