Âgâz-ı Gazeliyyât 150 Şiiri - Agah

Dem-i visâlde hicrân-ı yâra muntazıruz
Neşât-ı bâdeyi gördük humâra muntazıruz
Bahâne-cûlaruz ey mâh sürme kûyundan
Virilse biz de dil-i bî-karâra muntazıruz
Leb-â-leb âh u figân ile bülbülüz ancak
Füsürde hâtırımuz var bahâra muntazıruz
Bu bâgdan giderüz eşkimüzle çün şebnem
Şüküfte olmaga bir gül‘izâra muntazıruz
Zamâne düşmen-i ehl-i kemâl ü biz Âgâh
Bu fazl u dâniş ile i‘tibâra muntazıruz