Kimdür harâb-ı ‘aşk ile ma‘mûr eger bizüz
Yokdur cihânda gamzede mesrûr eger bizüz
Nâ-ehl elinde böyle perîşân terennümüz
Yokdur kusûr nâlede tanbûr eger bizüz
Görme hakîr her ne kadar bî-vücûd isek
Çekmez sipihr gönlümüzi mûr eger bizüz
Dermâna tâlib olmazuz ölsek de derd ile
Kâr eylemez mu‘âlece rencûr eger bizüz
İtsün zamâne tûl-ı bekâsın tınâbvâr
Âgâh şer‘-i ‘aşkda Mansûr eger bizüz
Kayıt Tarihi : 4.5.2016 16:16:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!