Âgâz-ı Gazeliyyât 135 Şiiri - Agah

‘İşret-i gûşe-i meyhâneyi herkes bilmez
Mest çok vâdi-i mestâneyi herkes bilmez
Başına dönmegi cânâ bana mahsûs eyle
Şem‘ine gerdiş-i pervâneyi herkes bilmez
Gussa-i zevk-nümâsına gelür mestlerün
Zehr-i hand-leb-i peymâneyi herkes bilmez
Gûş-ı agyâr olamaz lâyık-ı dürr-i suhanun
Kıymet-i gevher-i yekdâneyi herkes bilmez *
Oldı bin lu‘b ile ol tıfl bana râm Âgâh
Bu kadar bâzî-i tıflâneyi herkes bilmez