Bütân kim mihr u kîn âyîne-i tagyîr virmezler
Meger şemşîr-i âha cevher-i te’sîr virmezler
Kenâr-ı dâye-i gerdûnda ol tıfl-ı yetîmüm kim
Mükerrer zehr-nûş itdürmeyince şîr virmezler
Hazer her turre-i pür-hamdan ey dil kim budur zannum
Olursın ‘âkıbet dîvâne vü zencîr virmezler
Nice ‘âşık harâb-ender-harâb olmaz ki bed-hûlar
İdüp hâk ile yeksân fırsat-ı ta‘mîr virmezler
Kemend-i himmet Âgâh olmayınca sa‘y ile derkâr
Sana bu saydgehde söz ile nahcîr virmezler
Kayıt Tarihi : 4.5.2016 15:36:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!