Ildırımın çaxmağından nə fayda,
Işığından bəhərlənə bilmirik.
Bu sürgündə nə qanun var, nə qayda,
Əzabından qəhərlənə bilmirik.
Göz yaşını içimizə axıdaq,
Qəlbimizdə həyat eşqi cücərər.
Eşq himnini “Segah” üstdə oxudaq,
Yoxsa zülmət qaranlıqdır gecələr.
Bəlkə gecə ay işığın artırar,
Yolumuzu nurlandırar ağ zolaq.
Vüsal mehi ayrılığı yatırdar,
Təki biz həmişə bir yerdə olaq.
09.03.2019
Sevinc Arzulu
Kayıt Tarihi : 15.3.2019 06:54:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!