Ağ-qara ilme Şiiri - Sevinc Arzulu

Yeri də, göyü də çox gözəl bəzər,
Açılan səhərin dan şəfəqləri.
Göy libas geyinər alagöz Xəzər,
Yaraşar hüsnünə qan şəfəqləri.

Bəzən bu tablonun seyrinə dalıb,
Dayanıb duraram ayaqüstəcə.
Bütün bu gözəllik Tanrıdan qalıb,
Hər yan al-əlvandır, çox gözəl.Əcəb.

Bəzən kainatı titrədə bilər,
Körpəcə uşağın ayaq səsləri.
Röya gözlərinin yaşını silər,
Əbədi yatırdrar oyaq kəsləri.

Ilahi, nə olar, günahımdan keç,
Ayağım altında qarışqa qalıb.
Ilahi, sən ozün düz yolumu seç,
Xəyalım bilmədən qarışıq salıb.

Bəlkə mən haqlıyam, bəlkə sən .Bilməm.
Bəlkə taleyimə düşən kölgəsən.
Gözümdən qaçmaz ki ağ-qara ilmə,
Mənimçün həmişə doğma bölgəsən.