Ağ göyerçin Şiiri - Sevinc Arzulu

Bir anlıq geriyə dönmürsən, qoca
Demirsən gözüyaş qadın qalıbdır.
Məzarı üstündə yeriyən qoca,
Başının daşında adın qalıbdır.

Sənli xatirələr daşa dönübdür,
Burada görüşlər əlçim-əlçimdir.
Ümidlər gözlərdə yaşa dönübdür,
Burada gülüşlər ağ göyərçindir.

Məzarın üstündə tər qızılgüllər,
Bir də ağ göyərçin salama gəlib.
Birləşməz dəli tək sevən könüllər,
Onların ah-zarı kəlama gəlib.