Ağ çeleng Şiiri - Sevinc Arzulu

Nə bilim bu dünyanı,
Ötürüb gedəcəkdir.
Nə bilim su dünyanı
Götürüb gedəcəkdir.

Nə bilim günün biri,
Solacaqdır arzular.
Bir anda min yaşına,
Dolacaqdır arzular.

Ümidin pəncərəsi,
Daha döyülməyəcək.
Nəsili, şəcərəsi
Daha öyülməyəcək.

Peşiman edəcəkdir,
Vaxtsız gələn qar, tufan.
Dağıdıb gedəcəkdir,
Həsrət gəldiyi zaman.

Üzümü tutacağam,
Gedən vüsala sarı.
Başıma yağacaqdır,
Dağların bəyaz qarı.

Özüm üşüməsəm də,
Ürəyim üşüyəcək.
Ardınca da dolunu,
Təbiət döşüyəcək.

Dözəcəyəmmi bnunca,
Şaxta, çovğun, sazağa?
Xatirən aparacaq,
Məni daha uzağa.

Orda nə surətini,
Nə şəklini görəcəm.
Ümidsiz ümidimdən,
Ağ çələng hörəcəyəm...