Adırbı Mıro Bo Şiiri - Ercan Cengiz

adırbı mıro bo
adır mıro bo qı
bonê mı wesêno
xellê todı niyo

ciranina to qi
hentê to bena
adır qı mêro to ser
qê nê ricayi
düyê xo eno to ser

K-07

Hürindiya mı Esta

Ez zonı hürindiya mı esta
Wertê kıtabe todı xebera qılmeqı qi bo
qılmeq ama caye xo berco
Nairawo, goniya to ena mı ser

To qunnay bıne i kıtabi
Ezo bekes rütı rapal monı
Nı cordı qes esto, nı qi cerdı
Nayi zanayina tore wonı

Wacı ez bı mıri

Çim nonıro sere betonidı
Goni bıberiyo, demırdı çiçêği bı pekê
Tariyina to persmonona ena war
Qıllıra dot zulümata

Cordı qes çinno, negêronı qeêşi
Cor lonıqıno, höyrora cor asmen zelalo
Name qı ame peser i lonıqora wecine
To qi wenay, wa dano qoworo peyser eno
Herd qılasiyora bıne qıtabidı
Waso usk koqe xora bıriyo way wer sono
Mordemini wanaysa zerre insanidero
Bıne emıre todı ne sone maşi
Watena tobo, Derya wertıra qılasina

Sere astaridı gırmıqı esta
Cıme xo dana asmen bıweno
Roye mı a astaridero
Lao qı to eşto wıle mı
Xo deştiya wesnonı

Na xebera mı bo nayira tepa
Zerriya mı xonte gırmıka mına
Roye mı sero
Rüpı rapalo, gunone tore dür

Hürindiya mı esta kıtabe tode
Bıne bare todero, jibeno
Qılla alawuna sere zerriya mıdı
Awu mepısqıne ser, bıweso
Heta qı reyiyora bıne guna tora

Nê Pinnê

höyre tari topbi mı serdı tadine
nare saatona nê pinnı
roc nê qedino bıne sezıqıdı roniştena
cıme mı raodı monê
qowone bercora hata şuko rayi sone
cıme mı teydere, enê - sonê

vayi sodıriyo haylemo dano senê mıra
despera mı nêna qı vayi pegêri
destone xuya biyari peser lox qeri sero
xora düri,

höyri tari enê mı ser, höyri tadinê
roc eno, roc qi tadino
game dê wêronı höyrora
wa qi mı dıma qasbeno

naca qatê coreniyo qes çinno
cerdı höyre sıpi asenê serdı roc esto
neşqinı caverdi seri xorê cayi bıveni
hontoqı beno senıq decê zerriya mı

vao qı verdra pe gırotenı destonê xuya
ze dosegi nermi serdı meridinıra
höyre sıpi, roc, ji qi ez ebı derdona
va mıra çüst veciya poxê tora
wırniya cımonê mıdı tever tepi şi
höyri qêrdi vırniya xo gıroti berdi

bextê mıno ze to deca amo dina
waxht tengo, roci kılmi, herd gırano
savaci, zerre qami damistano qı
helbestona kiberê xo yakero

beno peroc to çinniyay, tici ena mı ser
tici topkonı pelgonê xuya, zê hengurı
tici topkonı

ax welat caro berbis qamıl beno serba to
rüyê to nê wunno, newêrdane qı buwuyo
cımat nanê cımat ser, fermani vecine to ser

höyre tari topbi haylemo ma ser tadine
wırniya qokumodı hontı zanaux
dı noxdone wêso niyane peser
name to gırano welat, herd gırano, roc gırano
berbis qamıl nê beno, iştiri marê monê

K-22

Rayê

xontoqı pet verêno ra no wâxht
neşqinayqı waderê ji mordemi
dı hire şüqi jürrê rıcinê ma ser
roca tengıdı mordemi serra til bena sona jiyanoqı vane

xontı röyi fetêlino ji mordem
i lıngonênê xüyi tersınıqona
ni rayo serdı gırs biyena gınnowaro
gınnowaro urcenora, wesan u tesan

rayi qı benê dergsa derdê xoqi zedinê
qes nızanoqı nızano tecelê mawo
kancin umıdê mordemiyo qı vertê şêridı mono beno dı letı
meseladı gırana, bınê bari heninıdı mondêqı ni hermê mı

çiyo qı vane zanimı, xori qı seyrqê
nezanayina xora pers danê
wertê xora düriyosa zerrê mordemi
kam geno xo serqı welatira dota
peynidı çiyoqı eştê xo dımıra ina monê serê rayodı
pıroşinê lıngone mordemiraqı pinnê
helê key gınovaro deyi weşinira

herd, asmen bewayir meno a waxht
savaco mordem
yaxut çepina xo raşta kam cızano
kamoqı xo nızano a hala bıne ni barira urcenora
heta nızanayina ser sonê feqê xo kerdê ya bırrenê xebêri
watena mı aaqı weşina mordemona quta bıne lıngo
pe xeberodı xo daranewe i maxluqati
hürindiya naxıri bı mordemona wuriya
tayini mordemo wecenayisa ortê inora

mordemi qı rayodı, yolaxoderê
bewayirinı, bekêsini esta i rayo serdı
key waxtê xo bi qı, dar ber rono xo dımıra
weşina xo qedina rayo serdı
kam wazenoqı baxcê cicego weco ortı
hontı rêtiqi ni cicego serdı qeşi watênı
höynê kamiyo kam cızano, cend cayura letı biyo
mêşi hegmeni qı bars danê qurfinê warıra düri sone
to wanay iştironê cımone xo werdênı xo dımıra

indi waxtê jiyani sono bınê lıngone mıra
zê derê dı qılerini waxht wêreno sono
bıwaci qı bıperri ni herdi serra, hêdi hêdi qı bıperri
o asmeno bewayir, no herdo şa...sebıqêri
höyre şayi qı tadinê mı serra i höyri
brusk brusk serra newecenosa kinê xo
çıqêre beno qı
hem cı mono qı peynirê serba watênı
mordem zê wayi xêxi bıbo qı kamirê cı
rayê dergi benê bar mordemi serra
mordemo qı mordemo bınê i baridı jibeno

to serba jibayişi amay na dina
zobi taba çinniyo serba to...gerêqo
mordemo qı waco zerrê xora hêni eno
weng eno gula mordemi dı şikino
fındenay icadı^, fındenay
na rayi wecina qoti
pers kerdênira mordemi nêwenay...
kamira persqerê...^

K-24

Todı Fındero

Mı destra bigi, todı fındero
na sellaqa fiqrê mına
seronau peştiya mı derê
nı tıfang esto ortıdı
nı qi qurese perı...

Ortıdı helbêsti este
te wer - te pi fındenê
gıraniya xo esta jübini serdı
gıranina inora me tersı
pelgi, qute jübini ayrau beqi
vacımı heni bo
hento qı qudrete to esto
şikinay herdra waderesa...

roce ena
neşqinay berê sa peştiya xodı
ze mı
waxto qı asmendı höyri nebi sa
a waxttı feqe canti yaqı beso inore
haadı qı tenê vaye hetê ma estosa
ina qi zane
raya mı xelle düriya
heta ica mıronı, monnı kam cızano...
sere xo genê sone raya xo dımıra
tedinira raver inore mı vatibi xora
ina qı helbêsti, ina qı destê mıra weci
sene hala bo raya xo wecene
seyr qenay mıra röy sone
cayo qı ma pers do cı
ouqa zelalı, asmeno paq, astari
roşta dina...
heta ica sone
domani niyi ya...

K-27

Maşiya Nabenê Düyari

Ez maşiya nabenê düyariyo
icadı amo dina
icadı bonı gırs
gırs biyerdena mı
düyaronê nacay xodı qena gırs...

Deronê xoriyo nızonı
oykonê serdono nızonı
nı sılli zonı... nı torgı, nı worı
höyri, brusk mıra zaf düri
caro qöyxa mı nêbi maşiyona
herdra, bruskra, gurraisê höyrora
qöyxa mı nêbi...

Bêqi seba nairao
dero sera nêşiyo
til nêbiyo cemodı
nı cınaur, nı qi tazi
nızonı, nasnıqonı...

Ez maşiya car düyarono
car düyari mı genêpe
car düyari mı nasqenê
i car düyari qı mı serdı gırs benê
dorme mı carno i düyarone car koso
raye yolaxi qaponi mırê
ez maşiya car düyarono...

K-18

Ama To Viri!

haa itayi qı xırabına, mıre qı hêni eno
çend rociyo raa to pinnê
wecinay enay sene bo

haadı ji xofını esta saiqı
gıranina henenı esta qı mı serdı
aceb wareno nebisa kenoya
zone mı zerrêfine to piyayisa

waci qı qêfeliyo jüre usqi
hezkerdena xo pinnosa mordem ne qefelino
istır cıllıdı bo rütê rapal, istır daridıbo
heta cayiyo serba mordemi
qotideraysa weci be to qi
fetêlayisa neşqinaysa bıperrı
serre mıra sonaysa ez zonı qı tüyay

haaqı xırabına olaxiqi xırabıni
adresa dımıra fetelinı teku teyna
isqı raira nesonosa watibı to
-adresa diyayini qoti ez qoti-
peştiya to çinniya lê mıdı, to çinniyay

icara tepa xêbera to amê fikre mı
cımate serê şikone gırsone mendibı
astari tadiyay serrê qafıqamıdı
waştena şiyo simitçira pers qa
i qi rınd rınd mıre tarif da
mı qi ayb mebo deyi! ...
senê hala bo zerrê mı qi wesano! ...
mı ira simite gırot vızerira mendibı
xontê dı simito qi perê dayi cı
pere mı zedê biyayisra niya
meriqi heni waştibı! ...

mı adresı di, adresı di amma
to wanay deste xoya qêrdibı cı
mı cıme xo qêreqoldı qêrdi ya
'ama to wiri' mawaco ji merıq
xalbuqı mı simit nıwêrdibı
cayê taltidı serê qêmerıdı naibı ro
heta ita ze watena tobi...

xorê rınd seyrqı bırayımı, xorê rınd seyrqı
cımato qı ma tüya qerdibı şükone gırso ser
wazonı qı ino xowera bıqêri
to cicegonê koora mıre xeberê bırosnı
xo werra meqı bıra, xo wera meqı...
deste mı gıradayisi, lınge mı gıradayisi...

K-02

Çiroka Maşiya Şürı

rocê ena mıronısa ortê çemidı bımıri
nanibi watena ji maşiya şürı
nı kınardı bıbo merdenamı nı qi kosıdı
tam ortê çêmidı bıbo
auka zelala meyito negenape wertê xodı
kêna serre zerriya xo heni bena
hetaqı cao mıqêrım disa serba ma
bêqi qum beno icadı kınarê çêmidı
hergo jiye xo kam cızano kotira
sırrê kami daranowê wêrte xodı
bêqi kêmerê tüji benê kınarê çêmidı
kam cı zano kamcin lasêrora mendê
kotira gındır biyê amê kınarê çêmi
yaxut icadı bi, kam cı zano
bêqi kınarê çêmidı lêyadı rındı bena
dest payê xo yakêrdı benê serba ma
kam cı zano cıka milcıkore wâyirini kerda
taylê mı, eqı usariyo sa herca qöyi beno
reng bı reng cicego serra mêşi urcenêra

orte çêmidı henibi watena maşiya şürı
xêberê gırani, kam bınıdı mano
xontoqı bıne çêmira dırbetı gırotı sa serrê zerriya xora
icara tepiya qutı wertê derone qıcıqo
heta serê cımê au şi, icara dot çinnibi serba maşiya şürı
moronê şao serê çımi gırotêpê
xêberaqı morodı, wanê qı deronê bino ser mesêrê
ni maşiyi şüri...
roc bi windi, her ca bi tari
fırsênd no fırsênd bi serba moronê şao
topbiye pêser, wılê maşiya şürı sıkıte...

K-04

Meberbê Domani Meberbê

meberbê domani meberbê
gulanı naha amê
herd wunno, roc wunno, astari wunnê
asmen qi wunnosa sıma dımıra...

meberbê domani meberbê
sıma berbisa benê gırssa
no herd herdê mao nê daranowê
bızane domani, şirinina xo bızanê
bıne zulmdıqı jibenêsa
zê piyê qalıqe xo, bêqi inora qi zedı
hento qı zulm beno zedı sa sıma serra
peyniya ni zulmi nejiqa rınd bızane

meberbê domani meberbê
wêci wırniya roci qellê xo bıbırnê roc bı roc
destonê sımadı reng bı reng çiçêği bıbe

meberbê domani meberbê
piye sıma, bırayê sıma gınocısa
wırniya cımone sımadı
des u dı qerşuni bıbesa serê jerriya sımadı
berbisa nıbeno, nıbeno bıra sımaqi zanê

meberbê domani meberbê
domaniqı serronê sımaderê
gereko meberbê
wesanira, tesanira, qêrşinora...
berbisa waxte xo meqedınê
solığe peyinıdı bımenêsa andi
hento qı wecino wengê xo berc qerê
no zulm zobi nê qedino bıra
destone jübinıdı negênê pesa
mawacê qı ni höyri tari
nalaisa, berbisa
herdê ma serra düri sonê...

K-17

Kotideray

to kotideray, to dımıra
cıme mı mendê
rao olağodı ez sebıqêri
cı welı xoro qêri

nao usari qi ama
höyrü gurrenê
brusk erceno
cigeramı feqê mı dera

herd jibeno bıra
to kotideray
wengê xo bıdı
wengê mı serra be

höyne mı letı biyo
xof quto zerrê mı
neşqinı bıra neşqinı
beri lıngone xo ser

deste xo bıdı mı bıra
ezo fıqarı
deste mıdı taba çinno
deste mı gıradaisi bıra

bıra bıra, bırayimı
to kotideray
noğdadı to qı pê êşi
a qi mıre besa bıra

rao dı teyna isa
sodır nêbeno bıra
roj nau amo ma ser
qêetı dano ma

qiberê itayi qilıtıni
düaro xo zaf berci, qılerini
hem vırnidı hem peynidı
her daim pinnê bıra

bıra bıra bırayimı
wengê xo bıdı bıra
adır quto bononê ma
haylemo weseno bıra.

K-16

Torê Masalla

Porê mı bi sıpi
xona
ra a ni mehkemi nê zonı
tore masalla
masalla qı torê
xona nama yi wiştini
corra cer tedıni
ama tedıni
nas qenay...

K-28