A Birce Şiiri - Sevinc Arzulu

Nurlansın hər sabahın,
Tanrı olsun pənahın.
Bilirəm ki günahın,
Yoxuydu birimişcə.
A Bircə.

İnsanı aldadanlar,
Dili zəhər dadanlar.
Həyatında nadanlar,
Çoxuydu, dirimişcə.
A Bircə.

Kürəyində qamçılar,
Burnundan qan damcılar.
Ürəyinə sancılan,
Oxuydu irimişcə.
A Bircə.

Uçurtdun qəfəsini,
Boğmadın həvəsini.
Ömrün səhifəsini,
Oxudum kitrimişcə.
A Bircə.

Addım atma heç geri,
Qalib insan tək yeri.
Mən də sənə bu şeri,
Toxudum kirimişcə.
A Bircə.